هذه كانت أول تجربة لي مع Metroid وطلعت منها بشعورين متناقضين جدًا استمتعت وانبهرت أحيانًا وبنفس الوقت انصدمت من قرارات تصميمية أحسها ضد مبدأ مترويد نفسه Metroid Prime 4: Beyond لعبة فيها لحظات ذكاء مثل أماكن تشدك وتريد أسكشافها وقتال ممتع وأجواء تخليك تسمع صمت المكان قبل ما تسمع موسيقاه لكن في المقابل فيها خيارات تحسها جاية من زمن مختلف أو من جاء وق تطوير قالو لازم يكون عندنا عالم مفتوح حتى لو كان وجوده يجر اللعبة للخلف بدل ما يدفعها للأمام.

القصة

خلني أكون صريح القصة هنا مو جيدة مو لأنها بسيطة بل لأنها تشبه مسودة أولى لفكرة كان ممكن تصير ممتازة والمفترض إنها رحلة اكتشاف سامس تصل لكوكب جديد وتتعرف على حضارة الـLamorn وتراثهم وتتقابل مع شخصيات مختلفة وتعيش صراعًا يحمل معنى لكن كل هذا ما يتطور بالشكل اللي يخليك تحس بثقله تحس إن اللعبة تلمح أكثر مما تحكي وتفتح أبواب أكثر مما تسكرها.

المشكلة الأكبر بالنسبة لي مو في الأحداث نفسها بل في الناس اللي يمشون مع سامس خلال الرحلة في جدل كبير حول الشخصيات المرافقة وأنا ما كنت أشوفهم مزعجين لدرجة تدمير التجربة بس ما أقدر أقول إنهم مكتوبين بعناية أغلبهم قوالب جاهزة شخصية كوميدية وحواراتها متعبة وشخصيات موجودة فقط عشان تقول لك كلام وتختفي ما حسيت أني فعلاً عرفتهم ما في وقت كافي يخليهم بشر أو يخليهم أرواح داخل القصة.

وهنا تجي مشكلة سامس نفسها سامس بطلة صامتة وأنا أحب هالنوع من الأبطال لكن الصمت هنا مو صمت هيبة الصمت هنا أحيانًا يبدو صمت غرابة لقطات كثيرة ناس يكلمونها ويسألونها يحاولون يتواصلون معها وهي بس تظل تطالع مو صمت قوي مثل Doom Slayer بل صمت يخليك تحس إنها مو مهتمة وإذا البطلة مو مهتمة باللي حولها ليش أنا كلاعب أكون مهتم؟

والنهاية خلتني غير راضي ما أبي أحرق لكن الإحساس اللي طلعته هو هذا مو ختام هذا طعم صغير عشان يقولون لك انتظر اللي بعده.

أسلوب اللعب

وهنا تتحول الصورة تمامًا من ناحية اللعب Metroid Prime 4 ممتعة فعلًا قضيت حوالي 15 ساعة وأنا مستمتع بتجربة تصويب واستكشاف متماسكة وفي لحظات كثيرة حسيتها لعبة قديمة بروح جديدة مثل إحساس Halo Combat Evolved ساحة واضحة مع إطلاق نار نظيف وأعداء حتى لو عددهم مو متنوع جدًا المتعة في قتالهم ما تخلص لأن إطلاق النار نفسه مرضي.

القدرات الجديدة اللي تعتمد على السايكك تعطي اللعبة نكهة مختلفة:

• Control Beam: فكرة إنك توجه الطلقة في الهواء وتشيل زوايا وتفتح مسارات حلوة جدًا كتصميم.

• Psychic Bomb / Psychic Visor: هنا أحس إن الفكرة جميلة لكن التنفيذ أحيانًا متعب لأنك تضطر تسوي سلسلة خطوات Morph Ball وبعد فترة تتعود لكن يظل فيه إحساس إن اللعبة تزيد الخطوات أكثر مما تحتاج.

الألغاز ممتعة ما فيها تعقيد مبالغ وغالبًا تعتمد على أدوات سامس بشكل منطقي ما كنت أعلق كثير وكنت أحس أن كل لغز مبني على فكرة واضحة مو على تعقيد مصطنع أما الزعماء من أجمل جوانب اللعبة كل زعيم له نقطة ضعف تميزه ويطلب منك تقرأ المواجهة بدل ما تطلق بشكل عشوائي.

عالم اللعبة

وهنا تجي أكبر خيبة عندي Sol Valley عالم مفتوح صحراوي أحسه مضاف آخر لحظة وكأنه فكرة لازم نزيد ساعات اللعب وبالمقابل فراغ كبير ما فيه شيء يستاهل تروح وتجي وتعيد نفس الرحلات والأسوأ ما فيه تنقل سريع.

تجربتي كانت كالتالي: أخذ ترقية جديدة لازم أروح لـMyles عشان يركبها وأعبر ثلاث شاشات تحميل وأركب الترقية أرجع بثلاث شاشات تحميل ثم أقود في صحراء فاضية عشان أوصل للمكان الممتع الحقيقي.

الموضوع مو مجرد ملل هو كسر لإيقاع اللعبة كأنك قاعد تتفرج على مقطع وكل عشر دقايق يقطعون عليك بإعلانات طويلة غصب.

وعلى فكرة الكريستالات الخضراء هذا واحد من أكثر الأشياء اللي حسيتها بلا روح تجمعها بأنك تصدمها نشاط ما فيه تحدي ولا فكرة ومع ذلك مو اختياري بالكامل أحس إن وجود الصحراء كان عشان يبرر وجود الدراجة الدراجة مع هذا الدراجة ممتعة وإحساسها فيه شيء لطيف لكنها صارت مثل عذر لتصميم منطقة ضخمة بدون محتوى يوازي حجمها.

تصميم المراحل

إذا Sol Valley كانت أسوأ قرار فالمراحل الرئيسية كانت أفضل إثبات أن Metroid Prime 4 تعرف وش تسوي لما تركز المناطق الكبيرة مثل الثلج والبركان فيها لحظات سيت بيس ممتعة وفيها تنوع حقيقي والجميل إن اللعبة أحيانًا تقلب لقطات 2D أثناء ألغاز الـMorph Ball وهذا يعطيك تنويع ويكسر الرتم بطريقة ذكية.

لكن عندي ملاحظة حسيت إن اللعبة خطية أكثر مما توقعت وكثير من الأماكن اللي تحسها جانبية تطلع مطلوبة لاحقًا هذا يخلي الاستكشاف أقل حريّة لكن ما كان مشكلة قاتلة لأن جودة المراحل نفسها عالية وتصميم الإضاءة والأجواء ممتاز خصوصًا في مناطق مثل Ice Belt اللي فعلاً تعطيك وحدة وتهديد خفي.

 الخلاصة والتقييم